О. Оқилов Ч. Юнканро пазируфт

Душанбе, 23 август. (АМИТ «Ховар», Дилшодаи Хайруллоҳ).- Имрӯз Сарвазири мамлакат Оқил Оқилов бо роҳбари ҳайати намояндагони ҳизбӣ ва ҳукуматии Ҷумҳурии мардумии Чин, Узви Кумитаи доимии Бюрои сиёсии Кумитаи Марказии ҳизби коммунистии Чин, Котиби Кумита оид ба масоили сиёсӣ ва ҳуқуқӣ Чжоу Юнкан мулоқот кард. Дар мулоқот вазъи кунунӣ ва дурнамои муносибатҳои иқтисодӣ-тиҷоратӣ, ҳамкориҳои дуҷониба дар соҳаҳои энергетика, роҳу нақлиёт, кишоварзӣ ва маорифу фарҳанг мавриди баррасӣ қарор дода шуд.Аз вохӯриҳои сатҳи баланди зимни сафари ҳайати ҳизбӣ ва ҳукуматии Ҷумҳурии Мардумии Чин ба Тоҷикистон баргузоршуда изҳори қаноатмандӣ гардида таъкид шуд, ки айни замон муносибатҳои дуҷониба ва бисёрҷонибаи Тоҷикистону Чин дар сатҳи муносиб ба роҳ монда шудаанд ва дар ояндаи наздик раванди ҳамкориҳои дуҷониба бахшҳои боз ҳам васеътарро касб хоҳанд кард.