Омӯзонидани кормандони ҳифзи муҳити зист

Душанбе, 12 август. (АМИТ «Ховар», Дилшодаи Хайруллоҳ).- Бо назардошти муҳимияти бозомӯзии кадрҳои соҳа Кумитаи ҳифзи муҳити зисти назди Ҳукумати Ҷумҳурии Тоҷикистон гузаронидани давраҳои омӯзиширо дар байни кормандони бахши ҳифзи муҳити зисти кишвар роҳандозӣ намуд. Аз даври омӯзишии навбатӣ масъулини соҳаи назорати захираҳои обии бозрасии ҳифзи муҳити зисти минтақаи Кӯлоб бархурдор гардиданд.Дар ҷараёни даври омӯзишӣ сардори шӯъбаи назорати захираҳои обии Кумитаи ҳифзи муҳити зисти назди Ҳукумати Ҷумҳурии Тоҷикистон Муборакшо Кадамов ба иштирокчиён оид ба тағйироту иловаҳо дар қонунгузориҳои ҶТ дар самти истифодаи захираҳои об, Кодекси оби ҶТ, ҳимояи ҳуқуқи кормандони соҳа ҷиҳати масъалагузорӣ ва дахлпазирии дигар ташкилоту идораҳо дар самти таъминот бо об ва истифодаи манбаъҳои об маълумоти саҳеҳ ва дастурҳои муфид пешниҳод намуд.