Озмуни дастаҳои ҳаваскори «Ватанпарвар»

Душанбе, 9 август. (АМИТ «Ховар», Дилшодаи Хайруллоҳ).- Зимни сафари ҳайати кории Кумита зери сарварии раиси Кумитаи Марказии Ташкилоти ҷамъиятии мададгори мудофиаи Ҷумҳурии Тоҷикистон генерал — лейтенант Саиданвар Камолов ба Вилояти Мухтори Кӯҳистони Бадахшон дастаи ҳунарии ҳаваскорони «Ватанпарвар» — и созмони мудофиавии ин вилоят бо барномаи рангин ва саршор аз сурудҳои ватанхоҳона ҳунарнамоӣ намуданд. Ба истиқболи ҷашни 85 — солагии таъсисёбии ҷамъияти ватанпарастони кишвар раиси Кумитаи Марказии Ташкилоти ҷамъиятии мададгори мудофиаи Ҷумҳурии Тоҷикистон генерал — лейтенант Саиданвар Камолов дастур дод, ки озмуни ҷумҳуриявии дастаҳои ҳаваскори тамоми зерсохторҳои ташкилот эълон шуда, дар пойтахт даври ниҳоии он ҷамъбаст гардад. Ҳадаф аз эълони ин озмун таблиғи ормонҳои ватандӯстона тавассути суруду тарона, дарёфти истеъдодҳои ҷавон ва қадрдонии ҳаваскорони асил мебошад.