Озмуни момодояҳо дар Кӯлоб

Душанбе, 12 август. (АМИТ «Ховар», Дилшодаи Хайруллоҳ).-Кормандони соҳаи тибби ноҳияи Кӯлоб дар арафаи ҷашни 20-солагии Истиқлолияти давлатии Ҷумҳурии Тоҷикистон озмуни «Момодояи беҳтарини сол»-ро гузарониданд, ки барои иштирок дар он ҳамаи момодояҳои ноҳия даъват шудаанд.Менеҷери бахши кӯмаки аввалияи тиббию санитарии ноҳияи Кӯлоб Саид Ҷалолов иттилоъ дод, ки дар ин озмун ҳамаи момодояҳои ноҳия иштирок мекунанд ва савияи донишу касбияти табибон муайян карда мешавад. Ба довталабон 65 савол пешниҳод гардида, довталабе ки ба онҳо ҷавобҳои дуруст медиҳад, ба даври вилоятӣ роҳхат мегирад. Озмуни мазкур рӯзи 17-уми август, яъне рӯзи касбии табибон дар шаҳри Душанбе ҷамъбаст мегардад.