Парлумон санадҳои муҳимро баррасӣ кард
Душанбе, 18 август. (АМИТ «Ховар», Марзия Саидова).-Аъзои Шӯрои палатаи поёнии парлумони Тоҷикистон дар ҷаласае, ки 18 август баргузор гардид, як қатор санадҳои муҳими байнидавлатиро, ки миёни Ҷумҳурии Тоҷикистон ва соири кишварҳои хориҷии ҷаҳон ба имзо расидаанд, баррасӣ намуданд. Инҳо Созишнома миёни Ҳукумати Ҷумҳурии Тоҷикистон ва Ҳукумати Ҷумҳурии Қазоқистон оид ба расонидани кӯмаки ҳарбии ройгон, Созишнома миёни Ҳукумати Ҷумҳурии Тоҷикистон ва Шӯрои Федералии Швейтсария оид ба ҳавасмандгардонӣ ва ҳифзи мутақобилаи сармоягузорӣ, Созишнома миёни давлатҳои аъзои Созмони ҳамкории Шанхай дар бораи гузаронидани машқҳои муштараки ҳарбӣ, Созишномаи қарзи имтиёзнок тибқи лоиҳаи Ташкили шабакаи ягонаи барқии шимоли Ҷумҳурии Тоҷикистон миёни Ҳукумати Ҷумҳурии Тоҷикистон ва Бонки воридоту содироти Чин, Созишнома миёни Ҳукумати Ҷумҳурии Тоҷикистон ва Ташкилоти «Кӯмаки мардуми Норвегия» доир ба ҳамкорӣ дар соҳаи безарарсозии башардӯстонаи минаҳо, Созишномаҳои қарзӣ миёни Ҷумҳурии Тоҷикистон ва Бонки Исломии Рушд, Фонди Қувайтии Рушди Иқтисодии Араб, Фонди ОПЕК оид ба Рушди Байналмилалӣ, Фонди Саудии Рушд ва Фонди Абузабии Рушд оид ба лоиҳаи «Сохтмони роҳи мошингарди Кӯлоб-Қалъаи Хумб» мебошанд. Санадҳои мазкур ба рушди ҳамкориҳои иқтисодию иҷтимоӣ ва низомию техникии Ҷумҳурии Тоҷикистон бо кишварҳои зикргардида ва созмонҳои байналмилалӣ мусоидат менамоянд.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






