Пешгирии бӯҳрони иқтисодӣ

Душанбе, 23 август, (АМИТ «Ховар», Лаззат Диловарзод).- Бино ба маълумоти фаврии Раёсати растанипарварии Вазорати кишоварзӣ, дар заминҳои хоҷагиҳои ҷамъиятӣ ва деҳқонӣ, ки ҳосили зироатҳояшон ҷамъоварӣ шудааст. Дар масоҳати 59 ҳазор гектар кишти такрорӣ гузаронида шудааст, ки он баробари 50 фоизи нақшаи пешбинишуда мебошад. Ба иттилои манбаъ, дар хоҷагиҳои вилояти Хатлон дар масоҳати беш аз 10 ҳазор гектар, вилояти Суғд дар майдони 3 ҳазор гектар ё нисбат ба ҳамин давраи соли гузашта ду баробар зиёд, ноҳияи Рӯдакӣ дар 1000 га. ноҳияи Ваҳдат дар 2 ҳазор га ва дар ноҳияи Турсунзода дар масоҳати 500 гектар кишт гузаронида шудааст.Дар назар аст, ки соли ҷорӣ дар майдони 60 ҳазору 334 га кишти такрории зироатҳои ғалладонагӣ (мош, лӯбиё шолӣ), дар масоҳати 25 ҳазору 758 га ҷуворимакка барои дон, дар майдони 3 ҳазору 208 га зироатҳои техникӣ, дар масоҳати 17 ҳазору 819 га сабзавот ва дар масоҳати 3 ҳазору 465 га зироатҳои полезӣ гузаронида шавад. Ин тадбир имкон медиҳад, ки бӯҳрони иқтисодӣ дар шароити ҷумҳурии мо, ки дар як сол аз замини он то се ҳосил бардоштан мумкин аст, пешгирӣ гардад.