Пешгирии фазои коррупсионӣ

Душанбе, 12 август. (АМИТ «Ховар», Лаззат Диловарзод).- Аз Раёсати пешгирии коррупсияи Агентии назорати давлатии молиявӣ ва мубориза бо коррупсия Ҷумҳурии Тоҷикистон ба мухбири АМИТ «Ховар» иттилоъ доданд, ки бо мақсади пешгирии омилҳои коррупсионӣ ва фароҳам овардани фазои зидди коррупсионӣ, кормандони агентии мазкур тавассути воситаҳои ахбори омма 240 маротиба гузориш додаанд.Ба иттилои манбаъ, кормандони раёсату шӯъбаҳо дар матбуоти даврӣ 170 хабару мақолаҳоро ба табъ расонида, 70 маротиба бо андешаю ақидаҳои худ дар телевизиону радио баён намудаанд. Дар давоми 7 моҳ зиёда аз 6 маротиба мизи мудаввар ва 12 машғулият (семинар)- у конфронс гузаронида шудааст. Дар ин давра 935 аризаю шикоят бевосита аз ҷониби кормандони Агентӣ мавриди баррасӣ қарор дода шуда, 260 адади он аз рӯи тобеият ба дигар мақомот ирсол гардида, 92 аризаю шикоят дар ҳолати баррасӣ қарор дорад.