Пеши роҳи қочоқчиёни сангҳои қимматбаҳо гирифта шуд

Душанбе, 25 август. (АМИТ «Ховар», Лутфия Эшонқулова). – Кормандони ҳифзи ҳуқуқ дар шаҳри Душанбе пеши роҳи қочоқгарони сангҳои қимматбаҳоро гирифтанд.Тавре ба АМИТ «Ховар» аз маркази матбуоти ВКД ҶТ иттилоъ доданд, 24 август зимни гузаронидани чораҳои фаврӣ- ҷустуҷӯии кормандони ҳифзи ҳуқуқи ҷумҳурӣ бо гумони интиқоли ғайриқонунии сангҳои қимматбаҳо сокини 30 солаи пойтахт дастгир шуд.Тибқи суханони манбаъ ҳангоми кофтукови шахсӣ аз дастгиршуда 142 дона ёқут ва зумради табиӣ дар вазни умумӣ 94,48 гр дарёфт гардид.Аз рӯи ҳодисаи мазкур парвандаи ҷиноӣ боз шуда, тафтишот идома дорад.