Рӯзи шаҳри Хуҷанд дар Душанбе

Душанбе, 2 август. (АМИТ «Ховар», Покиза Маҳмадбекова). – Рӯзи шаҳри Хуҷанд, ки ба 20-солагии Истиқлолияти Ҷумҳурии Тоҷикистон бахшида шуда буд, 1 август дар боғи «Дӯстии халқҳо»-и ноҳияи Фирдавсии шаҳри Душанбе доир гардид.Дар чорабинии мазкур намоиши комёбиҳои заҳматкашони тамоми соҳаҳои хоҷагии халқ, аз ҷумла соҳаи фарҳанг, маориф, тандурустӣ ва дастовардҳои маркази маъмурии вилояти Суғд дар тӯли 20 соли соҳибистиқлолӣ баргузор гардид. Аз ҷониби Ҷамъияти саҳҳомии «Атласи Хуҷанд» 40 намуди матои атлас, ки баъди таҷдид ва тармими пурраи корхона истеҳсол шудааст, ба маърази тамошо гузошта шуд.