Рӯзи ягонаи ахбор дар Суғд

Душанбе, 30 август. (АМИТ «Ховар», Бекназари Абӯбакр). — Бахшида ба ҷашни 20 — солагии Истиқлолияти давлатии Ҷумҳурии Тоҷикистон дар қаламрави вилояти Суғд дар мавзӯи «20 — соли Истиқлолият – 20 соли дастовардҳо» Рӯзи ягонаи ахбор гузаронида шуд.Аз хадамоти матбуоти раиси вилояти Суғд ба АМИТ «Ховар» хабар доданд, ки тибқи нақша дар 15 шаҳру ноҳияҳои вилоят намояндагони мақомоти иҷроияи ҳокимияти давлатии вилоят, олимону устодони мактабҳои олии вилоят, намояндагони Шӯрои ҷамъиятӣ, ҳизбҳои сиёсӣ ва ташкилотҳои ҷамъиятӣ бо мардум мулоқот доир намуданд. Ҳамчунин, дар мулоқоту вохӯриҳо оид ба се самти асосии стратегияи давлатӣ, аз ҷумла аз бунбасти коммуникатсионӣ баровардани кишвар, таъмини истиқлолияти энергетикӣ ва таъмини амнияти озуқавории мамлакат ҳарф зада, бо мисолҳои мушаххас фаҳмонида шуданд.