Ришватхӯр дастгир шуд

Душанбе, 4 август. (АМИТ «Ховар», Лутфия Эшонқулова).- Бино ба иттилои ВКД ҷумҳурӣ 2 август кормандони милитса дар рафти амалиёти фаврӣ мудири шӯъбаи сабти асноди ҳолати шаҳрвандии ноҳияи Ҷаббор Расулов Раҳима Қурбоноваи 52 соларо ба ҷурми ришватхӯрӣ дастгир намуданд. «Таъйид шуд, ки 1 август номбурда дар утоқи кориаш аз ду ҳамшира талаб намудааст, ки барои додани шаҳодатномаи нави таваллуд ба ивази шаҳодатномаи гумкардаашон 200 доллар диҳанд»,- афзуд манбаъ. Аз рӯи ин ҳодиса парвандаи ҷиноӣ боз шуда, тафтишот идома дорад.