Роҳҳо таъмир меёбанд

Кӯлоб, 22 август (АМИТ «Ховар», С. Холов). – Муассисаи давлатии «Идораи хоҷагии роҳҳои автомобилгарди минтақаи Кӯлоб» ба таъмир ва нигаҳдории роҳҳои автомобилгард шурӯъ карда, дар давоми 7 моҳи соли ҷорӣ 2 334,5 км роҳҳои автомобилгарди асосиро аз таъмири ҷорӣ баровард, — гуфт сардори муассисаи мазкур Сафаралӣ Абдуллоев. Вазорати нақлиёт дар 7 моҳи соли ҷорӣ барои ин муассиса 7 миллион сомонӣ ҷудо намуд, ки он барои таъмир ва нигаҳдории роҳҳо сарф шуд. Кормандони муассисаи давлатии Идораи хоҷагии роҳҳои автомобилгарди минтақа тасмим гирифтаанд, ки бахшида ба ҷашни 20 – солагии Истиқлолияти давлатии ҶТ 9 адад пулҳои садамавиро бо қувваи худи муассиса аз ҳисоби маблағҳои нигаҳдории роҳҳо таъмир намуда, роҳҳои минтақаро дар ҳолати хуби техникӣ нигоҳ доранд