Роҳҳои Мӯъминобод, таъмир мешаванд

Мӯъминобод, 25 август (АМИТ «Ховар», С. Холов). – Бинобар иттилои сардори Муассисаи давлатии роҳҳои автомобилгарди ноҳияи Мӯъминобод Темур Ҳаётов, кормандони муассиса дар давоми 7 моҳи соли ҷорӣ 26 км роҳҳои маҳаллӣ ва 22 км роҳҳои дорои аҳамияти ҷумҳуриявиро аз таъмири асосӣ бароварданд, ки барои ин мақсад 622000 сомонӣ сарф шудааст. Ба гуфти манбаъ, имсол ҳамчунин 2 пули мошингузар, ки масофаи ҳар кадомаш 48 метрро ташкил медиҳад, сохта ва мавриди истифода қарор дода шудааст. Муассисаи мазкур 10 адад техникаи ёрирасон дорад, ки онҳоро ба таври самарабахш истифода менамояд.