Роҳбарони идораҳои зиддиинҳисории ИДМ дар Алмаато ҷамъ мешаванд

Душанбе, 16 август (АМИТ «Ховар», Покиза Маҳмадбекова). – Моҳи октябри соли равон дар шаҳри Алмаато маҷлиси Шӯрои байнидавлатӣ оид ба сиёсати зиддиинҳисории мамлакатҳои аъзои ИДМ баргузор мешавад.Дар ин бора дар сомонаи Агентии ҳифзи рақобати Қазоқистон хабар дода мешавад. Дар он зикр мешавад, ки соли 2011 аз рӯзи таъсис ёфтани мақомоти зиддиинҳисории Қазоқистон 20 сол сипарӣ мегардад. Дар робита бо ин, моҳи октябри соли равон бояд дар шаҳри Алмаато маҷлиси Шӯрои байнидавлатӣ оид ба сиёсати зиддиинҳисории кишварҳои аъзои ИДМ баргузор гардад.Дар маҷлис роҳбарони идораҳои зиддиинҳисории кишварҳои аъзои ин созмон, бархе мамлакатҳои Аврупо, ҳамчунин намояндагони аҳли тиҷорати Қазоқистон ва кишварҳои хориҷӣ иштирок хоҳанд кард.