Роҳи автомобилгарди Қурғонтеппа -Дӯстӣ ба истифода дода мешавад

Душанбе, 24 август. (АМИТ «Ховар», Кристина Эрлих). – Тибқи нақша таҷдиди пурраи роҳи автомобилгарди «Қурғонтеппа-Дӯстӣ» то охири соли ҷорӣ бояд ба анҷом расад. Дар иншооти мазкур аллакай 90% корҳо ба анҷом расидаанд. Дар ин бора ба хабарнигори АМИТ «Ховар» аз Вазорати нақлиёти Ҷумҳурии Тоҷикистон хабар доданд.  Тибқи суханони манбаъ дар роҳи мошингарди «Қурғонтеппа-Дӯстӣ», ки таҷдиди он соли 2009 оғоз гардида буд, мутахассисон ба марҳилаи анҷомёбӣ — қирпӯшкунии роҳ оғоз намуданд. Баъди ба анҷомрасии қирпӯшкунӣ барқароркунии нишонаҳои роҳ оғоз мегардад. Масофаи умумии роҳи автомобилгард 42 километр мебошад. Маблағи лоиҳа 35 миллион доллари ИМА-ро ташкил дода, он аз ҷониби Ҳукумати Ҷопон дар асоси кӯмаки бебозгашт ҷудо гардидааст.«Баъди ба истифода додани роҳ мутобиқи созишномаи ба имзо расидаи Вазорати нақлиёти ҶТ ва пудратчии генералии ширкати ҷопонии Dai Nipon ва Nipo corporation дар муддати кафолатӣ (як сол) роҳи мошингард ба пудратчии генералӣ хизмат менамояд” , — илова намуданд дар Вазорати нақлиёти ҶТ.