Робин Орд-Смит- сафири ояндаи Британияи Кабир дар Тоҷикистон
Душанбе, 5 август. (АМИТ Ховар, Лутфия Эшонқулова).-Сафорати Британияи Кабир дар Тоҷикистон эълом медорад, ки Робин Ҷереми Орд-Смит ба ҳайси сафири Британияи Кабир дар Тоҷикистон таъин гардид ва ӯ дар ин вазифа Тревор Чарлз Мурро, ки барои хизмат ба хадамоти дипломатии кишвар бармегардад, иваз хоҳад кард. Тавре ба АМИТ «Ховар» аз сафорати мазкур хабар доданд, Робин Орд-Смит соли 1989 фаъолияти хешро дар Вазорати корҳои хориҷии Британияи Кабир оғоз намуд ва дар тӯли фаъолият дар вазифаҳои гуногуни дипломатӣ, чӣ дар дохили кишвар ва чӣ берун аз он, аз ҷумла дар Ҷопон, Малайзия, Руминия ва Алҷазоир хизмат намудааст. Робин Орд-Смит ҳамчунин дар сохтори хусусӣ ба ҳайси менеҷер оид ба маркетинг дар ширкати BAE SYSTEMS дар Ҷопон, дар Вазорати корҳои хориҷии Олмон ва то рӯзҳои наздик дар Қасри Букингем ҳамчун ёвари шоҳзода- Герсоги Йорк хизмат кардааст. Ҳоло ӯ ба ҳайси Директори Раёсати Британияи Кабир оид ба савдо ва сармоягузорӣ дар Ироқ хизмат мекунад. Бино ба иттилои манбаъ, Орд-Смит оид ба таъиноти худ изҳор намуд, ки «Ман ҳам шарафманд ва ҳам хурсандам, ки намояндагии Маликаи Британияи Кабирро дар Тоҷикистон муаррифӣ менамоям. Ман кӯшиш мекунам, ки дастовардҳои ҷаноби Тревор Мурро таҳким бахшида, рушди минбаъдаи Британияи Кабир, субот ва васеъ гаштани манфиатҳои сиёсии барои ҳарду ҷониб муфидро идома диҳам. Ман ҳамчунин омода ҳастам, ки муносибатҳои тиҷоратӣ ва сармоягузории миёни ду кишварро ҳамаҷониба дастгирӣ намоям.» Дар назар аст, ки ҷаноби Орд- Смит моҳи марти соли 2012 ба Тоҷикистон меояд.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






