Сафири Белорус ба Ҳамрохон Зарифӣ нусхаи эътимоднома супорид
Душанбе, 10 август. (АМИТ «Ховар», Пайрав Назаров). — 9 августи соли ҷорӣ Вазири корҳои хориҷии Ҷумҳурии Тоҷикистон Ҳамрохон Зарифӣ аз Сафири Фавқулодда ва Мухтори Ҷумҳурии Белорус дар Ҷумҳурии Тоҷикистон Гаврук Олга Анатолевна нусхаи эътимоднома қабул намуд.Баъд аз маросими супоридани нусхаи эътимоднома мулоқоти ҷонибҳо доир гардид, ки зимни он Вазири корҳои хориҷӣ Сафири Белорусро ба муносибати таъин шудан ба ин мақом табрик намуда, дар фаъолияти ӯ ҷиҳати таҳкиму густариши муносибатҳои дуҷонибаи Тоҷикистону Беларус муваффақиятҳо таманно кард.Вазир аз густариши бисёрҷанбаи равобити дуҷониба истиқбол намуда, сатҳи онро баланд арзёбӣ кард. Ӯ татбиқи барномаҳои мутақобилан муфидро муҳим дониста, тавсеаи робитаҳои тиҷоратию иқтисодии байни ду кишварро таъкид намуд.Тарафҳо имкониятҳои рушди ҳамкориҳои ду кишварро дар соҳаҳои кишоварзӣ, маориф ва фарҳанг бо роҳҳои таъсис додани корхонаҳои муштарак, филиалҳои макотиби олии техникии Ҷумҳурии Беларус дар Ҷумҳурии Тоҷикистон ва гузаронидани Рӯзҳои фарҳангӣ дар давлатҳои якдигар қайд намуданд.








Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст






