Сарфарозгардии Э.Раҳмон бо унвони олии фарҳангию сиёсии ҷомеаи Аврупо — Пешвои асри 21
Душанбе, 25 август. (АМИТ «Ховар»).- Имрўз ба Президенти Ҷумҳурии Тоҷикистон Эмомалӣ Раҳмон нишони унвони олии фарҳангию сиёсии ҷомеаи Аврупо — Пешвои асри 21 тақдим карда шуд.Маросими эълони сарфарозгардии Эмомалӣ Раҳмон бо унвони олии фарҳангию сиёсии ҷомеаи Аврупо — Пешвои асри 21 дар Қасри миллат баргузор гардид.
Нишони унвони олии фарҳангию сиёсии ҷомеаи Аврупо — Пешвои асри 21 ба Сарвари давлати Тоҷикистон Эмомалӣ Раҳмон аз ҷониби Президенти Шўрои Аврупо оид ба робитаҳои байналмилалӣ Антон Караҷа тақдим карда шуд. Президенти кишвар Эмомалӣ Раҳмон ин сарфарозиро нишонаи қадрдонии баланди ҷомеаи Аврупо аз заҳматҳои шаборўзии мардуми Тоҷикистон арзёбӣ намуда, ба Шўрои Аврупо оид ба робитаҳои байналмилалӣ арзи сипос намуд.Хотиррасон бояд намуд, ки қарор дар бораи сарфароз гардондани Президенти Ҷумҳурии Тоҷикистон Эмомалӣ Раҳмон бо ин унвони олии ҷомеаи Аврупо чанд рўз пеш аз ҷониби Кумитаи академикии Шўрои Аврупо оид ба робитаҳои байналмилалӣ дар пойтахти Руминия — шаҳри Бухарест қабул шуда буд. Ин қарор бо иштироки аъзои корпуси академикӣ, олимон, аҳли зиё ва як қатор пешвоёни сиёсии ҷомеаи Аврупо ба тасвиб расидааст.Шўрои Аврупо оид ба робитаҳои байналмилалӣ аз рўи эътибораш дувумин Институти ҷомеаи ҷаҳонӣ оид ба робитаҳои байналмилалӣ ба шумор меравад.Сарвари давлати Тоҷикистон Эмомалӣ Раҳмон ба ин унвони олии ҷомеаи Аврупо барои таҳкими ваҳдати миллии Тоҷикистон, мубориза бо коррупсия, таъмини эҳтироми манзалати инсон, таъмини идоракунии шаффоф, дастгирии равандҳои демократӣ, аз ҷумла ҳифзи ҳуқуқи инсон, кафолати озодиву адолати иҷтимоӣ, озодии матбуот, бароҳандозии барномаҳои созандагӣ ва дигар дастовардҳои ҳаёти иҷтимоию сиёсӣ, иқтисодӣ ва фарҳангии кишвар сазовор дониста шуд. Дар ин бора ба АМИТ «Ховар» аз Хадамоти матбуоти Президенти Ҷумҳурии Тоҷикистон иттилоъ доданд.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






