Сармояи Қазоқистон дар Тоҷикистон ба 100 миллион доллар расидааст
Душанбе, 19 август. (АМИТ «Ховар», Дилшодаи Хайруллоҳ).-Имрўз Президенти Ҷумҳурии Тоҷикистон Эмомалӣ Раҳмон аз сафири нави Ҷумҳурии Қазоқистон Агибай Смагулов эътимоднома қабул намуд.Пас аз мулоқот бо Президенти кишвар Эмомалӣ Раҳмон Агибай Смагулов андешаҳояшро ба хабарнигорон ба тариқи зайл баён намуд:«Ман хеле хушбахтам, ки имрӯз эътимодномаи сафирии худро ба ҷаноби президент Эмомалӣ Раҳмон супоридам ва ҳамчун сафири Қазоқистон дар кишвари шумо ба фаъолият шурӯъ намудам».Масъулияти ман хеле зиёд аст, чунки ман муносибатҳои байни ду кишварро бояд амалӣ намоям. Тавре шумо медонед, ҳамкориҳои дуҷонибаи мо дар сатҳи Шӯрои байнидавлатии ҳарду кишвар, ки роҳбарии онро президентҳои ду кишвар ба ӯҳда доранд, амалӣ мегарданд. Дар ин замина бо супориши президенти Қазоқистон соли гузашта фонди инвеститсионии Тоҷикистону Қазоқистон таъсис дода шуд,- идома дод ӯ. Агибай Смагулов зикр намуд, ки айни ҳол дар Тоҷикистон 40 ширкати муштараки ду кишвар фаъолият доранд. Ва сармояи Қазоқистон дар Тоҷикистон ба 100 миллион доллар расидааст. Ин ,албатта, ҳадди ниҳоӣ нест ва вазифаи ман аз он иборат аст, ки ҳамкориҳоро боз ҳам мустаҳкам ва доманадор намоям. Президенти мӯҳтарам Эмомалӣ Раҳмон низ қайд намуданд, ки ҳамкориҳоро дар оянда боз ҳам рушд диҳем. Ҳаминро мехоҳам зикр намоям, ки мо якҷоя бо Вазорати корҳои хориҷӣ ва Ҳукумати Тоҷикистон ҷиҳати рушди муносибатҳои мутақобилан судманд амал хоҳем кард. Соли гузашта сармояи Қазоқистон ба Тоҷикистон 300 млн. доллар буд ва имсол ин шумора 60 фоиз зиёд шудааст. Умедворем, ки мубодилаи маҳсулот миёни ду кишвар имсол боз ҳам зиёд шуда ба 400 миллион доллар мерасад.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






