Шаҳрвандони ноҳияи Файзобод ба хонаи Худо мераванд

Файзобод, 18 август. (АМИТ «Ховар», Зебо Давлатова). – Ду сол боз тибқи квотаи Кумитаи дини назди Ҳукумати ҶТ аз тамоми шаҳру ноҳияҳои кишвар шаҳрвандон ба хонаи худо сафар менамоянд. Тавре мудири бахш оид ба корҳои дини назди мақомоти иҷроияи маҳаллии ҳокимияти давлатии ноҳияи Файзобод Исо Назиров ба хабарнигори АМИТ «Ховар» иттилоъ дод, соли гузашта 54 нафар ҳоҷиён аз зиёрати хонаи Худо баргаштанд.То имрӯз 199 аризаи шаҳрвандон ба қайд гирифта шудааст. Тибқи квотаи тасдиқгардида имсол дар моҳи октябр боз 54 нафар ба зиёрати хонаи Худо хоҳанд рафт. Ҳамчунин то имрӯз 600 нафар сокинони ноҳияи Ваҳдат тариқи ариза хоҳиш намудаанд, ки онҳоро ба ҳаҷ фиристанд. Тибқи квота аз ин ноҳия 183 нафар ҳаҷ карданианд.