Шумораи ақди никоҳ дар Тоҷикистон зиёд шуд

Душанбе, 26 август. (АМИТ «Ховар», Покиза Маҳмадбекова). – Шумораи ақди никоҳ дар мақомоти Сабти асноди ҳолати шаҳрвандии кишвар нисбат ба ҳамин давраи соли 2010 5,2 % зиёд шуда, 41 ҳазор ҷуфтро ташкил дод. Тибқи иттилои Агентии омори назди Президенти ҶТ бастани ақди никоҳ ба сурати умумӣ дар давраи ҳисоботӣ ба 1000 нафар аҳолӣ 10,8 фоиз рост меояд. Бақайдгирии никоҳҳо дар ин давра нисбат ба ба соли гузашта кам гардид. Дар вилояти Суғд бастани ақди никоҳ 3,6 % кам шуда, ҳамагӣ 10,3 ҳазор никоҳ ба қайд гирифта шудааст.Дар ин давра бақайдгирии ақди никоҳ дар шаҳри Душанбе 2,6% (2,9 ҳазор оила), дар ВМКБ — 2,1% (1 ҳазор оила), дар вилояти Хатлон- 13,2% (17,2 ҳазор оила) ва дар ноҳияҳои тобеи ҷумҳурӣ — 3,5% (9,8 ҳазор оила) зиёд шудааст.