Стратегияи рушди бахши бонкҳо барои солҳои 2010 – 2015

Душанбе, 15 август (АМИТ «Ховар», Покиза Маҳмадбекова). – Ассосиатсияи бонкҳои Тоҷикистон дар чаҳорчӯбаи тадбирҳо ҷиҳати татбиқи «Стратегияи рушди бахши бонкҳо барои солҳои 2010 – 2015» аз 10 июн то 12 августи соли 2011 байни аҳолии кишвар дар мавзӯи «Такмили саводи молиявии аҳолӣ» семинарҳои таълимӣ доир намуд.Тавре ба АМИТ «Ховар» дар Ассосиатсияи бонкҳои Тоҷикистон иттилоъ доданд, семинарҳо аз рӯи чунин мавзӯъҳо, монанди тарҳрезии буҷа, ҳисоби сармоя, шаклу намудҳои сармояи бонкӣ ва шартҳои гирифтани кредитҳои бонкӣ роҳандозӣ шуданд.Мувофиқи суханони манбаъ, чунин семинарҳо дар 9 ноҳияи вилояти Суғд, 6 ноҳияи водии Рашт ва 5 ноҳияи тобеи ҷумҳурӣ гузаронида шуданд.Дар назар аст, ки то охири соли 2015 байни ҳамаи табақаҳои аҳолии кишвар чунин семинарҳои таълимӣ доир карда шаванд.