Таҷдиди сохтори ШСХК «Барқи тоҷик»
Душанбе, 2 август. (АМИТ «Ховар», Лаззат Диловарзод).- Ба иттилои раиси ШСХК «Барқи тоҷик» Абдулло Ёров, ахиран лоиҳа «Дар бораи таҷдиди сохтори ШСХК «Барқи тоҷик» таҳия ва барои муҳокима ба ҷаласаи навбатии Ҳукумати ҷумҳурӣ пешниҳод гардид. Лоиҳа пас аз омӯзиши тӯлонии таҷдиди сохтори ширкат аз тарафи мутахассисони вазорату сохторҳои марбута таҳия гардидааст, ки он се сохтори аз ҷиҳати ҳуқуқӣ мустақилро дар бар мегирад.Акнун аз ҷумлаи се ширкати нав яке ба истеҳсол, дуюмӣ ба интиқол ва сеюмӣ ба фурӯши барқ машғул хоҳад гашт.Ба гуфти масъулини ШСХК «Барқи тоҷик» дар назар аст, ки таҷдиди сохтор то чор сол давом намуда, соли 2015 ба анҷом расад.Аз нуқтаи назари коршиноси иқтисодӣ Табаралӣ Ғаниев, сохтори нав метавонад аз нигоҳи менеҷментӣ дар кори якдигар монеа эҷод созад. Ҳамчунин, ба фикри чанд устоди факултаи иқтисодии Донишгоҳи миллии Тоҷикистон ба қисмҳо ва ё сохторҳои алоҳида тақсим шудани ширкати мазкур боиси зиёд шудани мансабдорон мегардад.- Ҳар гуна хулосабарорӣ танҳо баъди таҷдиди сохтор ва фаъолияти ширкатҳои нав метавонад дуруст бошад, дар ҳоли ҳозир метавон даҳҳо қазияҳои дигарро пеш овард, вале ҳамаи онҳо метавонанд ботил бошанд,- мегӯяд энергетики хизматнишондода Муҳаммадӣ Аминҷонов.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






