Ташрифи сафари ноиби президенти БРО ба Тоҷикистон

Душанбе, 11 август (АМИТ «Ховар», Пайрав Назаров). – Имрӯз, 11 август, сафари дурӯзаи расмии ноиби президенти Бонки Рушди Осиё (БРО) Лакшми Венкатачалам ба Тоҷикистон шурӯъ мешавад.Тавре дар намояндагии БРО дар Тоҷикистон ба АМИТ «Ховар» иттилоъ доданд, Л.Венкатачалам ҳангоми боздидаш, ки он сафари аввалини ӯ ба Тоҷикистон аст, бо шахсони расмии Ҳукумати Ҷумҳурии Тоҷикистон барои муҳокимаи масъалаи кӯмаки БРО ба кишвар, аз ҷумла баррасии фаъолияти БРО бо иштироки бахши инфиродӣ мулоқот анҷом медиҳад. Мақсад аз барномаи кӯмаки БРО ба Тоҷикистон беҳдошти сохтор, рушди бахши инфиродӣ ва густариши равобити бештари минтақавӣ мебошад. БРО аз соли 1998 кӯмаки умумиро дар ҳаҷми беш аз 845 миллион доллари ИМА дар шакли қарзи имтиёзнок ва ёрии техникӣ ба кишвар маъқул ёфт.