Тасмими ширкати «AFС Сonsaltants international»

Душанбе, 16 август (АМИТ «Ховар», Покиза Маҳмадбекова). — 14 август дар шаҳри Душанбе вазири рушди иқтисод ва савдо Фаррух Ҳамралиев бо директори Ширкати консалтингии байналмилалии «AFС Сonsaltants international» Йоханнес Бушмаер мулоқот анҷом дод.Тавре дар маркази матбуоти Вазорати рушди иқтисод ва савдои мамлакат ба АМИТ «Ховар» иттилоъ доданд, дар ҷараёни мулоқот ҳамкории иқтисодии миёни корхонаҳои кишвар ва ширкати байналмилалии «AFС Сonsaltants international», аз ҷумла дар бахши энергетика ва кишоварзӣ мавриди баррасӣ қарор гирифтанд.Мувофиқи суханони манбаъ, ширкати номбурда омода аст, ки бо корхонаю ширкатҳои кишвар ҷиҳати вуруди таҷҳизоти сарфакунандаи энергия, ҳамчунин таҷҳизот барои коркарди маҳсулоти кишоварзӣ ҳамкорӣ намояд.Йоханнес Бушмаер зимни мулоқот иброз дошт, ки ширкати ӯ тайёр аст, дар амри тарбияи мутахассисони варзидаи ин соҳа кӯмак намояд.