Тревор Мур мухлиси варзишгарони олимпии Тоҷикистон аст

Душанбе, 1 август (АМИТ «Ховар», Пайрав Назаров). – «Мо дар Сафорат дастаи варзишгарони Британияю Тоҷикистонро тарафдорӣ мекунем», — зикр намуд дар ҷараёни мулоқот бо Дастаи олимпии Тоҷикистон Сафири Британияи Кабир дар ҶТ Тревор Мур.Дар мулоқот раиси Кумитаи оид ба корҳои ҷавонон, варзиш ва сайёҳии назди Ҳукумати ҶТ Маликшо Неъматов, ҳамчунин гурӯҳи варзишгарони тоҷик, ки ба иштирок дар Олимпиапдаи қарибулвуқӯи соли 2012 дар Лондон тайёрӣ мебинанд, ширкат доштанд.Тавре дар Сафорати Британияи Кабир дар ҶТ ба АМИТ «Ховар иттилоъ доданд, маҷлиси қабул ба ифтихори оғози Олимпиадаи қарибулвуқӯъ дар Лондон созмон дода шуда буд. Гурзандоз Дилшод Назаров, ки аллакай ба мусобиқоти Лондон роҳхат ба даст овардааст, аз ҷумлаи меҳмонон буд. Тревор Мур ҳамчунин зикр намуд, ки Сафорати Британияи Кабир тайёр аст, бо гурӯҳи олимпиадачиёни тоҷик ва Кумитаи оид ба корҳои ҷавонон, варзиш ва сайёҳӣ дар ҷараёни сафарашон ба шаҳри Лондон ҳамкорӣ намояд.