Турсунзода соҳиби китобхонаи нав шуд

Турсунзода, 17 август. (АМИТ «Хоавр», Ҳотам Рабиев ). – Дар арафаи ҷашни 20 – умин солгарди Истиқлолияти давлатии Ҷумҳурии Тоҷикистон китобхонаи марказии шаҳри Турсунзода соҳиби бинои наву замонавӣ гардид. Бинои нав дорои таҷҳизоти зарурӣ буда, дар он зиёда аз 40 ҳазор нусха китоб мавҷуд аст. Дар ин китобхона толорҳои хониши калонсолону хурдсолон, шӯъбаи компютерӣ, шӯъбаи китобтаъминкунӣ ва ғайра мавҷуд мебошанд.Директори китобхонаи марказии шаҳр Гавҳар Саидова ба хабарнигори АМИТ «Ховар» гуфт, ки бо чунин бинои боҳашамати фарҳангӣ таъмин шудани махзани китобдӯстон яке аз комёбиҳои бузурги даврони истиқлолият аст.