Варзишгарони тоҷик — дар Универсиадаи тобистонаи умумиҷаҳонӣ

Душанбе, 10 август (АМИТ «Ховар», Пайрав Назаров). – Дастаи мунтахаби Тоҷикистон дар Универсиадаи тобистонаи умумиҷаҳонӣ, ки аз 12 то 23 август дар шаҳри Шенжени Ҷумҳурии Мардумии Чин баргузор мегардад, бо ду варзишгар иштирок менамояд. Ҳар ду варзишгари тоҷик дар мусобиқот аз рӯи намуди варзиши сабук иштирок менамоянд. Фарҳод Қуралов дар мусобиқаи давиш ба масофаи 80 метр ва Надима Мирзоева дар мусобиқаи ниммарафон қувваозмой менамоянд.Дар ин мусобиқот ҷамъ беш аз 12 ҳазор нафар варзишгарони 150 мамлакат иштирок мекунанд. Бори аввал дар барномаи Универсиада 26 намуди варзиш зикр ёфтааст, ки дар онҳо варзишгарон барои дарёфти 306 мукофот маҳорати худро месанҷанд.