Ҳайати СААД бо СММ ҳамкорӣ мекунад
Ню — Йорк, 30 сентябр. (АМИТ «Ховар», Ҳалима Хушқадамова). – Ҳайати Созмони Аҳдномаи Амнияти Дастаҷамъӣ (СААД) бо роҳбарии Дабири кулли СААД Николай Бордюжа, ки барои иштирок дар кори иҷлосияи 66 – уми Ассамблеяи генералии СММ ва гузаронидани машварат бо роҳбарияти Созмони Милали Муттаҳид дар Ню – Йорк мебошад, аз рӯи масоили ҳамкории байни Созмони Милали Муттаҳид ва Созмони Аҳдномаи Амнияти Дастаҷамъӣ ҷиҳати рафъи оқибати фалокатҳои табиию техногенӣ ва фаъолияти башардӯстона як қатор мулоқот анҷом дод. Дар раёсати ҳамоҳангсозии масъалаҳои башардӯстона бо ёвари Дабири кулли СММ оид ба масоили башардӯстона Кэтрин Брегг сӯҳбат баргузор гардида, дар ҷараёни он роҳҳои ҷалби СААД ба кор ҷиҳати рафъи оқибати фалокатҳои табиию техногенӣ, тартиби иштироки сохторҳои дигари байналмилалию минтақавӣ дар ин фаъолияти СММ, мақоми намояндагии Раёсат дар Женева бобати барқарор намудани равобит ва ҳамоҳангсозӣ ҷиҳати расонидани кӯмаки башардӯстона аз нигоҳи ҳарбию гражданӣ мавриди муҳокима қарор гирифтанд. Дар ҷараёни мулоқот ба фаъолияти Бунёди марказии эътино ба вазъияти фавқулодда таваҷҷӯҳи хоса дода шуд.
Имрӯз дар Тоҷикистон борони кӯтоҳмуддат меборад
ОМОДАГӢ БА ЗИМИСТОН. Иншооти соҳаҳои маориф ва тандурустии шаҳри Роғун бо ангишт, ҳезум ва сӯзишворӣ таъмин мебошанд
Дар Данғара даври ноҳиявии Озмуни ҷумҳуриявии «Беҳтарин хизматчии давлатӣ аз ҳисоби занон» доир гардид
Дар шаҳри Гулистон иншооти нави иҷтимоӣ ба истифода дода шуд
Имрӯз мардуми Мамлакати Шоҳигарии Арабистони Саудӣ 96-солагии ҷашни миллияшонро таҷлил менамоянд
Аз 23 то 25 сентябр дар баъзе минтақаҳои Тоҷикистон омадани сел пешгӯӣ мешавад
Тоҷикистон пас аз рӯзи сеюми Бозиҳои Осиёӣ-2026 дар ҷадвали медалҳо дар зинаи ҳафтум қарор дорад
Дар Тоҷикистон беш аз 800 ҳазор тонна зироати ғалладонагӣ ҷамъоварӣ шудааст
Ҷаласаи Комиссияи Озмуни ҷумҳуриявии «Донандаи беҳтарини асарҳои Пешвои миллат» доир шуд
