Ҳамкорӣ дар бахши моликияти зеҳнӣ

Душанбе, 13 сентябр. (АМИТ «Ховар», Бекназари Абӯбакр). – Раиси Палатаи савдо ва саноати Ҷумҳурии Тоҷикистон Шариф Саид бо намояндаи Маркази инноватсионии «Технополис» — и Австрия Алфред Радауэр мулоқот анҷом дод.А.Радауэр иброз дошт, ки мақсади сафараш ба ҷумҳурӣ иборат аз муайян намудани таъсири дар Тоҷикистон татбиқ намудани Лоиҳаи «Хизматрасонӣ бобати ҳифзи моликияти зеҳнӣ» барои ҳалли проблемаҳои лоиҳаи зикршуда дар корхонаҳои тиҷорати хурд мебошад. Раиси Палатаи савдо ва саноати ҶТ Шариф Саид пешниҳод намуд, ки бо намояндагони тиҷорати хурду миёна мулоқот ташкил карда шавад. Ҷонибҳо аҳд намуданд, ки ҳамкориро минбаъд ҳам рушду густариш дода, тренингу семинарҳо ташкил намоянд.Дар ин бора ба АМИТ «Ховар» дар маркази матбуоти Палатаи савдо ва саноати Ҷумҳурии Тоҷикистон хабар доданд.