Ҳаёти мусиқии Тоҷикистон
Душанбе, 22 сентябр.(АМИТ «Ховар», Марзия Саидова).-«Ҳаёти мусиқии Тоҷикистон» чунин ном дорад ҷилдҳои 3- ва 4 -и маҷмӯаи тозанашре, ки ба ифтихори 20-умин солгарди Исиқлолияти давлатии Ҷумҳурии Тоҷикистон ба тозагӣ ба табъ расидааст. Маҷмӯаи мазкур, ки аз ду қисм иборат аст, бо ибтикори донишмандони Пажӯҳишгоҳи таърих, бостоншиносӣ ва мардумшиносии ба номи Аҳмади Дониши Академияи улуми Ҷумҳурии Тоҷикистон мунташир шудааст.Донишманди шинохтаи тоҷик Аскаралӣ Раҷабов, ки яке аз мураттибон ва муҳаррири масъули маҷмӯа маҳсуб меёбад, мегӯяд, ки дар ду қисмати маҷмӯа ҳаёти мусиқии ду даҳсолаи Тоҷикистон (солҳои 1957-1967ва 1967 – 1978) гирд оварда шудааст. Хусусан, сафарҳои ҳунарии аҳли санъат ва ҳунари Тоҷикистон ба кишварҳои хориҷӣ ва ҳунармандони давлатҳои хориҷӣ ба Тоҷикистон, комёбию дастовардҳои ҳунармандон ва мутахассисони бахши санъат, бунёд ва таъсиси мактабҳои ҳунарию мусиқӣ, ташаккули навъҳои гуногуни санъати театрӣ, овозхонӣ, рақс ва дигар ҳунарҳои зебо инъикос гардидаанд. Ҳамзамон, мураттибон аксҳоеро аз лаҳзаҳои намоишномаҳои театрӣ, ки аз ҷониби ҳунармандони тоҷик дар он солҳо таҳия гардида, рӯи саҳна оварда шудаанд, дар маҷмӯа ҷой додаанд, ки таҷассумгари фарҳанги волои тоҷикон аст. Бояд тазаккур дод, ки дар маҷмӯа муҳимтарин равандҳо, ки ташаккули фарҳанги мусиқии Тоҷикистони собиқ Шӯравиро матраҳ намудааст, ҷамъоварӣ шудаанд. Маҷмӯа бо забони русӣ нашр гардида, ҳадяест барои фарҳангшиносон, мусиқишиносон, ходимони фарҳанг, устодону донишҷӯёни муассисаю донишгоҳҳои санъату ҳунарҳои зебо ва кулли хонандагон.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






