Ҳуқуқу кафолатҳои иттифоқҳои касаба

Душанбе, 12 сентябр. (АМИТ «Ховар», Лаззат Диловарзод).- Қабули қонуни нав «Дар бораи иттифоқҳои касаба, ҳуқуқ ва кафолатҳои фаъолияти онҳо» амалӣ намудани назорати ҷамъиятӣ, рафти иҷрои шартномаҳои коллективӣ, риояи қонунгузории ҶТ дар бораи меҳнат, соҳаи таъмини иҷтимоӣ ва ҳамчунин суғуртаи иҷтимоии давлатиро ба танзим медарорад,- иброз дошт раиси Федератсияи иттифоқҳои касабаи мустақили Тоҷикистон Муродалӣ Солеҳов ба мухбири АМИТ «Ховар». Қонуни нав «Дар бораи иттифоқҳои касаба» аз 6 боб ва 39 модда иборат аст.Ба иттилои М.Солеҳов, дар қонуни амалкунанда баъзе мафҳумҳо, аз ҷумла ҳуқуқи шаҳрвандон ва муттаҳид шудан дар иттифоқҳои касаба, мустақилияти иттифоқҳои касаба, ҳамкориҳои иттифоқҳои касаба бо мақомоти ҳокимияти давлатӣ, корфармоён ва иттиҳодияҳои онҳо, робитаҳои баналмилалии иттифоқҳои касаба, оиннома ва рамзи иттифоқҳои касаба, тартиби бақайдгирии иттифоқҳои касаба шарҳу эзоҳ ёфтааст, ки он дар қонуни қаблӣ дида намешуд. Моддаҳои 8, 13, 25 ва 27 –и қонун «Дар бораи иттифоқҳои касаба» дар таҳрири нав илова шуданд, ки Федератсияи иттифоқҳои касабаи мустақили Тоҷикистон фаъолияти худро дар асосиҳамаи ин тағйиру иловаҳо ба роҳ мондааст.