Ҷаласаи навбатии маҳфили «Ҳамкории иҷтимоӣ»

Хоруғ, 23 сентябр. (АМИТ «Ховар», Л.Додо). —  Дар  шаҳри  Хоруғ ҷаласаи  навбати маҳфили «Стратегияи  инкишофи  иқтисодиёти  Тоҷикистон дар  шароити  ҷаҳонишавӣ» баргузор  гардид.  Ин  чорабинӣ бо  ибтикори  Шӯрои  ҷамъиятии  Ҷумҳурии Тоҷикистон дар  ҳамбастагӣ бо  дафтари  Созмони  амнияту  ҳамкории Аврупо  дар  Тоҷикистон рӯи  кор  оварда  шуд. Дар  маҳфил мушовири  Президенти  Ҷумҳурии  Тоҷикистон оид ба  рушди  робита  бо  ҷомеа Муҳаббатшоҳ Рӯзадоров ва ёвари  калони  мушовири  сиёсии  дафтари  Созмони  амнияту  ҳамкории Аврупо  дар  Тоҷикистон Абуалӣ  Тоҳиров  иштирок намуданд. Дар  маҳфил  сухан  асосан  аз боби рушди  иқтисодиёти  Тоҷикистон,  роҳҳои  ҷалби  сармоягузорон, хизматрасонии  бонкӣ ба  аҳолӣ, аз бумбасти  коммуникатсиониву  иттилоотӣ баромадани  Тоҷикистон ва дигар  самтҳои  тараққиёти  ҷумҳурӣ сухан  рафт.