Ҷалби ҷавонон ба таълим меафзояд

Душанбе, 21 сентябр. (АМИТ «Ховар», Дилшодаи Хайруллоҳ).-Дар даврони Истиқлолият дар соҳаи маорифи кишвар ислоҳоти ҷиддӣ амалӣ карда шуд Бо вуҷуди мушкилоти зиёди иқтисодӣ Ҳукумати кишвар ҳаҷми маблағгузориро ба соҳаи маориф мунтазам зиёд менамояд. Масалан, агар ҳаҷми умумии маблағгузорӣ аз ҳисоби буҷети давлатӣ ба соҳаи маориф дар соли 2000-ум ба 41 миллион сомонӣ баробар бошад, пас дар соли 2011 ин рақам якуним миллиард сомониро ташкил медиҳад.Ҳамчунин дар ин давра дар мамлакат беш аз 1200 бинои мактаби ҳозиразамон барои зиёда аз 310 ҳазор ҷойи нишаст сохта, мавриди истифода қарор дода шуд. Теъдоди донишҷўёни мактабҳои олии кишвар агар то замони истиқлолият 69 ҳазор нафарро ташкил карда бошад, имрўз ин рақам ба 160 ҳазор нафар баробар шудааст, ки ин далели равшани сол ба сол бештар ба таълим ҷалб гардидани ҷавонон мебошад.