Ҷамъбасти бозиҳои даври навбатии чемпионати Тоҷикистон оид ба футбол

Душанбе, 21 сентябр. (АМИТ «Ховар», Аловиддин Бӯриев).- Дирӯз бозиҳои даври навбатии чемпионати Тоҷикистон оид ба футбол байни дастаҳои лигаи олӣ ҷамъбаст гардид. «Регар»-и ТадАЗ баъди ғалаба бо натиҷаи 1 бар 2 бар «Равшан»-и Кӯлоб дар сафар бо касби 60 имтиёз ба зинаи аввали ҷадвали мусобиқот баромад. «Вахш»-и Қурғонтеппа бо «Энергетик» вохӯриашро бо натичаи сифр бар сифр мусовӣ анҷом дод. «Хайр» дар ин давр «Шодмон»-ро бо натиҷаи калони 8 бар сифр шикаст дод. «Хуҷанд» дар меҳмонӣ «Гвардия»-и Душанберо бо ҳисоби 4 бар 2 мағлуб намуд.