Ҷамъомад ба шарафи 20-солагии Истиқлолият

Душанбе, 3 сентябр. (АМИТ «Ховар», Лутфия Эшонқулова).- Дирӯз дар Вазорати энергетика ва саноати Ҷумҳурии Тоҷикистон бахшида ба таҷлили 20-умин солгарди Истиқлолияти давлатӣ ҷамъомади тантанавӣ баргузор гардид.
 
Тавре ба АМИТ «Ховар» хабар доданд, дар ҷамъомад иштирокчиён перомуни дастовардҳо, рушди соҳаҳои энергетика ва саноат дар давоми 20-соли истиқлолият сухан гуфта, саҳми кормандони вазорат, корхонаву муассисаҳои онро дар ин дастовардҳо махсус зикр намуданд. Дар хотимаи ҷамъомад кормандону мутахассисони дастгоҳи марказӣ ва корхонаву муассисаҳои вазорат барои меҳнати софдилонаву хизматҳои шоён бо ифтихорномаи Вазорати энергетика ва саноати ҶТ ва маблағҳои пулӣ мукофотонида шуданд.