Агентии омор болоравии нархро нигаронкунанда хондааст

Душанбе, 21 сентябр. (АМИТ «Ховар», Лаззат Диловарзод).- Бино ба маълумоти Агентии омори назди Президенти ҷумҳурӣ дар моҳҳои август ва сентябри соли ҷорӣ аз молҳои мушоҳидашудаи озуқаворӣ нархи карам 26,3 фоиз, бодиринг – 24, 4, тухм – 25, шакар -3,6, гӯшти гов ва бехпиёз 2,8, конфети шоколадӣ — 2,3, картошка -10,2, маҳсулоти нимтайёри гӯштӣ ва равғани чорво 0,6 фоиз боло рафтааст.Зимнан дар моҳи гузашта нархи баъзе намуди хӯрокворӣ, аз ҷумла помидор -7,1 ва сабзӣ 1,1 фоиз арзон буд.Аз аввали соли 2011 аз ҳама бештар нархи молҳои озуқавории зерин қимат шудааст: карам 50 фоиз, сабзӣ — 34, равғани пахта -30, 3, гӯшти гов – 25,3, гӯшти гӯсфанд – 24,7, шакар – 22,1, тухм, -20, шир -16,9, картошка -15,2, орди навъи якуми гандум – 13,2, ярмаи ҷав – 11,4, қаймоқ -2 ва намак 0,9 фоиз қимат шудааст. Ин дар суратест, ки ҳамаи молҳои номбаршуда истеҳсоли ватанӣ буда, аз ҳама гуна андозбандии иловагӣ озоданд.