Артиши миллӣ муҳофизи Истиқлолият аст

Хоруғ, 6 сентябр. (АМИТ «Ховар», Л.Додо). – Чорабиниҳо бахшида ба 20 – умин солгарди Истиқлолияти давлатии Ҷумҳурии Тоҷикистон дар ҳамаи идороту муассисот баргузор мегарданд. Чунин чорабинӣ дар Комиссариати ҳарбии вилоят низ рӯи кор омад. Комиссариати ҳарбии вилоят Зафар Давлатов ҳамаи иштирокдоронро ба ифтихори ин ҷашни миллӣ аз номи вазири мудофиаи ҷумҳурӣ Шералӣ Хайруллоев самимона табрик гуфта, қайд намуд, ки Артиши ҷумҳурӣ имрӯз хеле пуриқтидор аст ва қудрат дорад, ки комёбиҳои истиқлолиятро пурра ҳифз намояд. Дар фарҷоми чорабинӣ беҳтарин кормандони Комиссариати ҳарбии вилоят, қисмҳои низомӣ, кормандони идороти қудратии вилоят, раисони шаҳру навоҳӣ, раисони бархе аз ҷамоатҳои деҳот ва ғайра бо ташаккурномаҳои вазорати мудофиа ва медалҳо сарфароз гардонида шуданд.