Ашёҳои тоҷири «Султони Кабир» куҷо шуд?

Душанбе, 29 сентябр. (АМИТ «Ховар», Мавҷуда Анварӣ). — Дар натиҷаи гузаронидани як амалиёти фаврӣ-ҷустуҷӯӣ ноболиғон Меҳроб Аҳмедов, хонандаи синфи 5-уми мактаби таҳсилоти умумии №51 ва Самариддини Ғиёсиддин, талабаи синфи 4-уми мактаби таҳсилоти умумии №-72, сокинони кӯчаи Н. Қарабоев дастгир шуданд.Дастгиршудагон ба таври пинҳонӣ вориди анборхонаи шаҳрванд Эмомов Ифтихори 23 сола, сокини кӯчаи Н. Қарабоев, соҳибкори бозори мазкур шуда, аз он ҷо ашёҳои сантехникиро ба маблағи умумии 5000 сомонӣ дуздида, аз ҷойи ҳодиса ғайб задаанд. Дар ин бора ба АМИТ «Ховар» аз Вазорати корҳои дохилии ҷумҳурӣ иттилоъ доданд.