Аввалин семинари байналмиллалии авруосиёгӣ

Душанбе, 30 сентябр. (АМИТ «Ховар», Дилшодаи Хайруллоҳ).- 14-15 октябри соли  равон дар шаҳри Душанбе дар ҳамбастагӣ бо Донишгоҳи миллии Тоҷикистон ва Ваколатдор оид ба ҳуқуқи инсон дар Ҷумҳурии Тоҷикистон баргузории аввалин семинари байналмиллалии авруосиёгӣ «Дар мавзӯи ҳифзи ҳуқуқи инсон ва шаҳрванд» дар назар аст.Дар кори  семинар  зиёда аз сиву панҷ нафар намояндагони мақомоти бонуфузи давлатҳои хориҷи кишвар иштирок менамоянд.Ҳамчунин дар назар аст, ки меҳмонон аз макони таърихии ноҳияҳои Данғара ва Восеъ дидан намоянд.Лозим ба зикр аст, ки  чунин чорабинии муҳими сатҳи байналмилалӣ бори аввал дар кишвари мо баргузор мегардад.