Ба Қонуни реклама илова ворид мегардад

Душанбе, 12 сентябр.(АМИТ «Ховар», Марзия Саидова).- 12 сентябри соли 2011 таҳти раёсати Шукурҷон Зуҳуров, Раиси Маҷлиси намояндагони Маҷлиси Олии Ҷумҳурии Тоҷикистон, ҷаласаи Шӯрои Маҷлиси намояндагон баргузор гардид. Дар Шӯро лоиҳаи Қонунҳои Ҷумҳурии Тоҷикистон «Оид ба ворид намудани илова ба Қонуни Ҷумҳурии Тоҷикистон «Дар бораи Буҷети давлатии Ҷумҳурии Тоҷикистон барои соли 2011», «Дар бораи реклама», «Оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи Гвардияи миллии Ҷумҳурии Тоҷикистон», «Дар бораи ҷамъиятҳои саҳомӣ», «Оид ба ворид намудани тағйирот ба Қонуни Ҷумҳурии Тоҷикистон «Дар бораи милиса» ва «Дар бораи таъмини нафақаи шаҳрвандони Ҷумҳурии Тоҷикистон» баррасӣ шуданд. Раисони кумитаҳои Маҷлиси намояндагон Сафаралӣ Раҷабов, Амирқул Азимов, Хайринисо Юсуфӣ ва Амир Катаев роҷеъ ба масъалаҳои ба кори Шӯро воридгардида фикру андешаҳои худро иброз намуда, таъкид карданд, ки ҳадаф аз пешниҳоди лоиҳаи қонунҳо ба Шӯро беҳтар намудани вазъи соҳаҳои гуногуни кишвар аст.12.46.