Баимзорасии санадҳои муҳим миёни ҶТ ва ҶИЭ
Душанбе, 5 сентябр. (АМИТ «Ховар», Дилшодаи Хайруллоҳ).- Тавре иттилоъ дода будем, дар нимаи дуюми рӯзи 4 сентябр Президенти Ҷумҳурии Исломии Эрон Маҳмуд Аҳмадинажод бо сафари расмӣ ба Тоҷикистон ташриф овард.Пас аз маросими истиқбол ва мулоқоти як ба яки Президенти Ҷумҳурии Тоҷикистон Эмомалӣ Раҳмон ва Президенти Ҷумҳурии Исломии Эрон Маҳмуд Аҳмадинажод маросими имзо гардидани санадҳои дуҷониба миёни Ҷумҳурии Тоҷикистон ва Ҷумҳурии Исломии Эрон баргузор гардид.Нахуст баёнияи муштараки президентҳои Ҷумҳурии Тоҷикистон ва Ҷумҳурии Исломии Эрон ба имзо расид.Санади мазкурро Президенти мамлакат Эмомалӣ Раҳмон ва Президенти Ҷумҳурии Исломии Эрон Маҳмуд Аҳмадинажод ба имзо расониданд.Ҳамчунин, ёддошти тафоҳуми ҳамкорӣ миёни Вазорати энергетика ва саноати Ҷумҳурии Тоҷикистон ва Вазорати нерӯи Ҷумҳурии Исломии Эрон аз ҷониби Вазири энергетика ва саноати ҶТ Гул Шералӣ ва вазири нерӯи ҶИЭ Маҷиди Номҷӯ ба имзо расид.Ёддошти тафоҳуми иловагии ҳамкорӣ миёни Ҳукумати ҶТ ва Ҳукумати ҶИЭ доир ба иҷрои бозсозии нақби «Истиқлол» дар ҶТ аз ҷониби Вазири нақлиёти ҶТ Низом Ҳакимов ва Вазири нерӯи ҶИЭ Маҷиди Номҷӯ имзо шуд.Президенти мамлакат Эмомалӣ Раҳмон ва Президенти Эрон Маҳмуд Аҳмадинажод баъди маросими санадҳои мазкур барои доираи васеи хабарнигорон нишасти матбуотӣ доир намуданд.








Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст






