Беҳтарин шаҳри Суғд муайян гардид

Душанбе, 9 сентябр. (АМИТ «Ховар», Бекназари Абӯбакр). — Озмуни «Шаҳр (ноҳия)-и  беҳтарин» дар вилояти Суғд ҷамъбаст гардид. Аз хадамоти матбуоти раиси вилояти Суғд ба АМИТ «Ховар» иттилоъ доданд, ки шаҳри Қайроққум ғолиби ин озмун гардида, шаҳри Истаравшан ва ноҳияи Бобоҷон Ғафуров мутаносибан сазовори ҷойҳои дуюм ва сеюм дониста шуданд.Тибқи қарори махсуси раиси вилояти Суғд ба Сарраёсати молияи вилоят супориш дода шуд, ки аз ҳисоби 60 ҳазор  сомонӣ маблағҳои бақияи озоди мавҷудбудаи буҷети вилоятӣ ба   ҳисоби мақомоти иҷроияи ҳокимияти давлатии шаҳри Қайроққум 30 ҳазор сомонӣ, шаҳри Истаравшан 20 ҳазор сомонӣ ва ба ноҳияи Бобоҷон Ғафуров 10 ҳазор сомонӣ ирсол намояд.