Бо ҷойҳои нави кор таъмин шуданд

Душанбе, 13 сентябр. (АМИТ «Ховар», Лаззат Диловарзод).- Тибқи Барномаи мусоидат ба шуғли аҳолӣ, дар давоми 8 моҳи соли ҷорӣ беш аз 1041 ҷойҳои нави корӣ ташкил ёфт. Дар ин давра наздик ба 330 нафар бо ҷойи кори доимӣ, 27 нафар ба тариқи квота бо кор таъмин гардида, ба 42 нафар шаҳрвандони бешуғл, ки аз ҷойи аввалаи кор ихтисор шудаанд, кӯмакпулӣ таъин карда шуд,- иброз дошт раиси шаҳри Ваҳдат Анвари Вайсиддин ба мухбири АМИТ «Ховар».Ба иттилои манбаъ, дар ин давра 98 нафар шаҳрвандон ба курсҳои кӯтоҳмуддати соҳибкорӣ, дӯзандагӣ ва омӯзиши забони русӣ сафарбар карда шуданд.