Бунёди чойханаи миллӣ ба муносибати 20-солагии Иҷлосияи 16-ум

Душанбе, 14 сентябр. (АМИТ «Ховар», Бекназари Абӯбакр). — Дар маҷмааи Қасри Арбоби ноҳияи Бобоҷон Fафуров сохтмони чойхонаи миллӣ ба муносибати 20-солагии Иҷлосияи 16-уми таърихии Шӯрои Олӣ оғоз гардид. Чойхонаи боҳашамати миллӣ аз таҳхона ва ду ошёна иборат буда, шоҳсутун ва болорҳои онро устоҳои номдор аз шаҳру навоҳии Исфара, Хуҷанд, Бобоҷон Fафуров, Конибодом ва Истаравшан кандакориву нақшбандии миллӣ мекунанд.
Инчунин, ин чойхона аз толорҳои асосӣ, толор барои қабули меҳмонон, толори гуфтушунид, ҳуҷраи фарҳангӣ, пешайвонҳои баҳорона, ошхона иборат буда, онҳо бо тариқи санъати меъмориву қадимаи миллӣ оро дода мешаванд.
Аз хадамоти матбуоти раиси вилояти Суғд ба АМИТ «Ховар» иттилоъ доданд, ки раиси вилоят Қоҳир Расулзода ба масъулин супориш дод, ки чойхонаро дар мӯҳлати муқарраргардида — то 1 -уми октябри соли 2012 дар арафаи 20-солагии Иҷлосияи 16-уми таърихӣ бо сифати баланд ба истифода диҳанд.