Чор самти афзалиятноки кишоварзӣ

Сентябрь 5, 2011 11:18

Душанбе, 5 сентябр. (АМИТ «Ховар», Лаззат Диловарзод).- Бино ба маълумоти Раёсати кишоварзии ноҳияи Мӯъминобод, хоҷагидорони ноҳия дар асоси барномаҳои давлатӣ рушди минбаъдаи кишоварзиро дар чор самт: боғу токпарварӣ, картошкапарварӣ, занбӯриасалпарварӣ ва паррандапарварӣ муайян намудаанд.Дар соҳаи боғу токпарварӣ перомуни иҷрои қарори Ҳукумати ҶТ дар бораи «Барномаи мақсадноки давлатии рушди соҳаи боғу токпарварӣ, тадриҷан зиёд намудани меваю ангур барои солҳои 2007 — 2010» корҳои зиёд анҷом дода шудаанд. Бо мақсади иҷрои барномаи кишоварзӣ то имрӯз дар ноҳия 293 гектар боғ ва 12 гектар токзори нав бунёд карда шудааст. Майдони боғу токзори ноҳия аз 2250 гектари дар соли 2002 буда ба 3010 гектар расонида шудааст.Дар соҳаи картошкапарварӣ хоҷагидорони ноҳия таҷрибаи хуб доранд. Майдони картошка дар байни 10 соли охир се баробар зиёд шудааст. Ба иттилои манбаъ, масоҳати замини картошкаи хоҷагиҳои ноҳия ба 900 гектар расонида шудааст.Яке аз соҳаҳои даромадноки дигар, ки метавонад иқтисодиёти мардумро даҳчанд боло барад ин рушди занбӯриасалпарварӣ мебошад. Ноҳия барои рушди соҳаи занбӯриасалпарварӣ шароити мусоид дорад. Паррандапарварӣ низ соҳаҳои сердаромад маҳсуб меёбад.Фабрикаи паррандапарварии ноҳия аз нав эҳё шуда, ба истеҳсоли гӯшти парҳезӣ ва тухм оғоз кард. Айни замон дар корхонаи паррандапарварӣ 13 ҳазору 600 сар мурғ барои забҳ омода шудааст. Ҳар рӯз аз 800 то 1000 сар мурғ забҳ ва ба бозорҳои ҷумҳурӣ бароварда мешавад. Корхона дар як моҳ ба харидорон 20 тонна гӯшти баландсифати парҳезии парранда пешниҳод менамояд.

Сентябрь 5, 2011 11:18

Хабарҳои дигари ин бахш

Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд