Фестивали байналмилалии кинои мусулмонӣ

Душанбе, 1 сентябр. (АМИТ «Ховар», Людмила Дубинина). – Дар чаҳорчӯбаи Кинофестивали УП байналмилалии кинои мусулмонии Қазон, ки аз 6 то 11 сентябр баргузор мегардад, филмҳое намоиш дода мешаванд, ки ба барномаи озмунии фестивал шомил набуда, вале шоистаи таваҷҷӯҳи тамошобинонанд. Дар ин кинофестивал филмҳои бадеие низ намоиш дода мешаванд, ки аз рӯи достони «Шоҳнома» — и безаволи Абулқосим Фирдавсӣ офарида шудаанд. Қисми зиёди ин филмҳоро коргардони машҳури тоҷик, Ҳунарпешаи мардумии Тоҷикистон Борис Кимёгаров ба навор гирифта буд.Дар кинофестивал филмҳои 40 мамлакати ҷаҳон, аз ҷумла Туркия, Эрон, Миср, Арабистони Саудӣ, Сурия, Британияи Кабир, Италиё, Мексика, Юнон, Ҳиндустон, Испаниё, ИМА, Русия, Қазоқистон, Ӯзбекистон ва кишварҳои дигар намоиш дода мешаванд.Дар ин бора ба АМИТ «Ховар» дар Иттифоқи кинематографистони Тоҷикистон иттилоъ доданд.