Филиали ҶСК «Тоҷиксодиротбонк» дар Шӯрообод

Шӯрообод, 5 сентябр. (АМИТ «Ховар», С. Холов). – Дар ноҳияи Шӯрообод корҳои сохтмонӣ идома доранд. То ин муддат ба маблағи 3422,3 ҳазор сомонӣ сармояи асосӣ аз ҳисоби ҳамаи манбаъҳои сармоягузорӣ азхуд шуда, ба маблағи қариб 3 ҳазор сомонӣ корҳои сохтмонию васлгарӣ иҷро гардидаанд, гуфт раиси ноҳия Амирхон Икромов. Ба гуфти ӯ тибқи нақшаи тасдиқгардида дар ноҳия сохтмони 14 иншооти муҳим, аз ҷумла 6 муассисаи таълимӣ дар қаламрави ҷамоатҳои деҳоти Шӯрообод, Даштиҷум ва Лангардара, як муассисаи тиббӣ, бинои маъмурии шӯъбаи корҳои дохилии ноҳия, бинои маъмурии ҶСК «Тоҷиксодиротбонк» идома дорад.