Гӯштингирони тоҷик ноком шуданд

Душанбе, 20 сентябр. (АМИТ «Ховар», Катерина Аксакова). — Гӯштингирони Тоҷикистон иштироки худро дар мусобиқоти ҷаҳон аз рӯи гӯштини тарзи озод ва юнонию римӣ, ки аз 12 то 18 сентябри соли 2011 дар шаҳри Истамбули Туркия сурат гирифт, бе ягон медал анҷом доданд.Тавре дар сомонаи Федератсияи байналмилалии гӯштин хабар дода мешавад, дар ҳайати дастаи мунтахаби Тоҷикистон 10 нафар гӯштингирон қувваозмоӣ намуданд. Аз рӯи натиҷаи мусобиқот дастаи Тоҷикистон дар гӯштингирии тарзи озод 4 хол ба даст оварда, ҷойи 23 – юмро ишғол намуд. Варзишгарони тарзи гӯштини юнонию римӣ ягон хол ба даст наоварда, мақоми 32 – юмро касб намуданд. Қобили зикр аст, ки дар мусобиқоти ҷаҳон оид ба гӯштини тарзи озод ва тарзи юнонию римӣ дар шаҳри Истамбул 900 нафар варзишгарони 104 кишвари ҷаҳон барои дарёфти 21 мукофот қувваозмоӣ намуданд.