Хизмати шоистаи кормандони молия бо медал қадр гардид

Душанбе, 8 сентябр. (АМИТ «Ховар», Бекназари Абӯбакр). — 7 сентябри соли ҷорӣ дар Вазорати молияи Ҷумҳурии Тоҷикистон ҷамъомади тантанавӣ бахшида ба 20-умин солгарди Истиқлолияти давлатии Ҷумҳурии Тоҷикистон баргузор гардид.Вазири молия Сафаралӣ Наҷмиддинов кормандони вазорат ва ташкилотҳои зертобеи онро бо 20-умин солгарди Истиқлолият табрик намуд. Роҳбари Дастгоҳи иҷроияи Президенти Ҷумҳурии Тоҷикистон Матлубхон Давлатов кормандони мақомоти молияи ҷумҳуриро бо фарорасии 20-солагии Истиқлолияти давлатӣ табрик намуда, аз номи Президенти Ҷумҳурии Тоҷикистон Эмомалӣ Раҳмон ба кормандони пешқадами мақомоти молия мукофотҳои давлатиро супорид. Аз маркази матбуоти Вазорати молияи ҷумҳурӣ ба АМИТ «Ховар» иттилоъ доданд, ки бо медали «Хизмати Шоиста» Соҳибов Шавкат Кӯзиевич -муовини вазири молияи Ҷумҳурии Тоҷикистон, Авғонов Тимуралӣ Ёрибекович — сардори Раёсати сиёсати буҷет дар соҳаҳои иқтисодиёт, Алишоев Салмон Санавбарович — сардори Раёсати буҷети давлатии Сарраёсати молияи ВМКБ, Сафаров Мирзосафар Холович — сардори Раёсати молияи ноҳияи Ҷиликӯл, Солиҳов Самандар Ҷанобович — сардори Раёсати молияи ноҳияи Рӯдакӣ, Мираҳмадов Давлатхоҷа — сардори Раёсати молияи ноҳияи Мӯъминобод, Султонов Маҳсиддин — сардори Раёсати молияи ноҳияи Темурмалик сарфароз гардиданд.Инчунин, бо «Нишони фахрӣ», «Аълочии молияи Ҷумҳурии Тоҷикистон» ва «Ифтихорнома»-и Вазорати молияи Ҷумҳурии Тоҷикистон як қатор кормандони дастгоҳи марказии вазорат ва мақомоти молияи шаҳру ноҳияҳои ҷумҳурӣ сазовор дониста шуданд.